Túrkııanyń Aýyl sharýashylyǵy jáne orman sharýashylyǵy mınıstrligi órt kózderin jedel anyqtaý jáne orman órtterin tıimdi sóndirý úshin drondar sanyn kóbeıtip jatyr, dep habarlaıdy Egemen.kz.
2020 jyly Túrkııanyń ormandaryn qorǵaý úshin ushqyshsyz ushý apparattary men tikushaqtar keńinen qoldanyla bastady, al bıyl taǵy tórt ushqyshsyz ushaq respýblıkanyń Aýyl sharýashylyǵy mınıstrligi janyndaǵy orman sharýashylyǵy bas dıreksııasyna berildi.
Mundaı quraldar dástúrli túrde órt shyǵý yqtımaldyǵy joǵary aýdandarda jıirek qoldanylmaq.
Drondar jylý kameralarynyń kómegimen beınelik keskinderdi Aýyl sharýashylyǵy mınıstrliginiń ortalyqtaryna jedel jiberedi, bul ystyq núktelerdi tez anyqtaýǵa, qaýip deńgeıin baǵalaýǵa jáne órtten qutqarý qyzmetine aýmaq koordınattaryn berýge múmkindik beredi.
Ushqyshsyz ushaqtar táýlik boıy jumys isteıdi.
Eger 2003 jyly Túrkııada órt sóndirýdiń ortasha ýaqyty 40 mınýtty qurasa, 2019 jylǵy tehnologııalyq jetistik arqasynda bul merzim 12 mınýtqa deıin qysqardy. 2023 jylǵa qaraı orman órtterin sóndirý ýaqytyn maksımaldy túrde mınımýmǵa deıin jetkizý josparlanýda.