Jeksenbi kúni tańerteń Qytaıdyń 3 mıllıon halqy bar Shııan qalasyndaǵy (Hýbeı provınsııasy) azyq-túlik bazarynda tabıǵı gaz qubyry jaryldy. Saldarynan 12 adam ajal qushty. Taǵy 144 turǵyn aýrýhanaǵa túsken. 37-si aýyr halde jatyr, dep habarlaıdy Egemen.kz.
Jarylys Chjanvan aýdanynda jergilikti ýaqyt boıynsha saǵat 06:30 shamasynda bolǵan. Jarylys saldarynan 40-qa jýyq saýda nysany qırap, sol mańdaǵy úılerdiń áınekteri synǵan. Kýágerlerdiń aıtýynsha, ýaqyttyń erte bolǵanyna qaramastan bazarda satyp alýshylar kóp bolǵan, adamdar jaqyn mańdaǵy ashanalardan tańǵy as iship otyrǵan.
Qalada birneshe qan quıý stansııasy jumys istep jatyr. Dárigerler men bılik qala turǵyndaryn qan quıý stansııalaryna kelip, qan tapsyrýǵa shaqyrdy. Tótenshe jaǵdaı ornynda izdestirý-qutqarý jumystary jalǵasýda.