Karateden Parıjde ótip jatqan lısenzııalyq týrnırde Nurqanat Ájiqanov bas júldeni oljalap, Tokıo Olımpıadasyna qatysatyndardyń tizimine qosyldy, dep habarlaıdy Egemen.kz.
75 kılo salmaqta óner kórsetken qandasymyz Fransııanyń astanasynda keremet óner kórsetti. Barlyq qarsylasyn qoǵadaı japyrǵan Nurqanat altyn tuǵyrǵa kóterilip, Olımpııa oıyndarynyń joldamasyna ıelik etti. Bul salmaqta ekinshi oryndy Germanııa sportshysy ıelense, úshinshi orynǵa Majarstannyń ókili taban tiredi.
Osylaısha, karateshilerimiz úshinshi lısenzııaǵa qol jetkizdi. Buǵan deıin Darhan Asadilov pen Móldir Jańbyrbaı syndy myqtylarymyz Tokıoǵa baratyndar tizimine qosylǵan edi.