«Jasyl aımaq» dep jaıbaraqat júrgenimizben, Shyǵys Qazaqstanda kún saıyn 60-tan astam adam jaman indetke shaldyǵyp jatyr. Oblystyq densaýlyq saqtaý basqarmasy ókilderiniń málimetine súıensek, oblys aýmaǵynda jalpy koronavırýs ınfeksııasynyń 28 myńnan astam jaǵdaıy tirkelgen.
О́tkende bir kúnde COVID-19 ınfeksııasyn juqtyrýdyń 70 jaǵdaıy tirkeldi. Onyń ishinde 16 jaǵdaıy kovıdti pnevmonııa eken. Dárigerlerdiń aıtýynsha, ókpege jabysqan keseldiń kóbi óskemendikterden anyqtalǵan. Indettiń kezekti tolqýyna oblysta daıyndyq qarqyndy júrgendikten, naýqastarǵa tósektik oryn jetkilikti. Medısınalyq kómek der kezinde kórsetilip keledi. Indettiń aldyn alý úshin ekpe egý úshin de jan-jaqty sharalar atqarylyp jatyr. Keıbir kásiporyndar vaksına alǵan jumysshyǵa baǵaly zattardyń sertıfıkatyn berse, endi biri demalys oryndaryna joldama usynyp jatyr. Eń bastysy, ekpe alyp, aýrýdyń aldyn alsańyz bolǵany. Ekinshi jaǵynan Ashyq baǵdarlamasy ornatylǵan oryndarǵa kedergisiz kirip-shyǵýǵa múmkindik bar kórinedi.
Aq jeleńdi abzal jandardyń pikirinshe, vaksına adamdy COVID-19 ınfeksııasynan qorǵaıdy. Juqtyryp alǵan kúnniń ózinde, syrqat anaǵurlym jeńil ótedi. Aıta ketsek, búgingi tańda Shyǵys Qazaqstanda vaksınanyń birinshi komponentin 155 myńnan astam adam alsa, ekinshi komponentin 73,6 myń adam alǵan. Vaksına alǵandardyń ishinde áıgili sportshy Olga Rypakova da bar.
– Vaksına – kovıdtiń asqynýynan qorǵaıtyn senimdi ádis. Men ózimdi jáne jaqyndarymdy qorǵaǵym keletindikten ekpe saldyrdym. Burynǵy úırenshikti ómirimizge qaıta oralǵymyz kelse, shetelge emin-erkin saıahatqa shyǵyp, alańsyz júrý úshin vaksına alýymyz kerek, – dedi áıgili atlet Olga Rypakova.
Shyǵys Qazaqstanda halyqty jappaı vaksınalaý jalǵasyp jatyr. Eske sala ketsek, elimizde kezeń-kezeńimen ımmýndaý 1 aqpannan bastalǵan. Koronavırýsty juqtyrý qaýpi joǵary aýmaqta jumys isteıtin dárigerler, muǵalimder, polısııa qyzmetkerleri, sozylmaly aýrýlary bar adamdar vaksınany alǵashqylardyń biri bolyp ala bastaǵan.
Mektep muǵalimderi de koronavırýsqa qarsy vaksınalaýdyń mańyzyn túsingen kórinedi. О́ıtkeni jappaı ekpe alyp jatyr. Búgingi tańda óńirde 12 myńnan astam muǵalim ımmýndaýdan ótti. О́skemen qalasynyń №2 jalpy bilim beretin mektebiniń dırektory Janat Omarovanyń aıtýynsha, 1 sáýirden bastap mektep ujymy músheleriniń 50 paıyzdan astamy vaksına aldy.
– Vaksınalaýdyń bastalǵany týraly habarlaǵan kezde bizdiń qyzmetkerlerimiz ekpe alýǵa daıyn ekendikterin bildirdi. Áleýmettik sala qyzmetkerleri, onyń ishinde pedagogter munyń mańyzdylyǵyn túsinemiz. Árıne, oqýshylarymyzdyń mektepke oralyp, dástúrli formatta oqyǵanyn qalaımyz. Bul úshin ujymdyq ımmýnıtet qalyptastyrýymyz kerek, – dedi mektep dırektory Janat Muhtarqyzy.
Shyǵys Qazaqstannyń qalalary men aýdandary boıynsha aıtar bolsaq, oblys ortalyǵynda 1800-den astam pedagog, Semeıde 1900-dan astam, Úrjar aýdanynda 1 myńǵa jýyq, Aıagóz aýdanynda 900-ge jýyq pedagog vaksınalandy. Jarma, Katonqaraǵaı, Kókpekti, Tarbaǵataı jáne Altaı aýdandarynda 600-den astam muǵalim koronavırýsqa qarsy vaksına aldy. Zaısan aýdanynda 500-den astam muǵalimge ekpe jasaldy. Glýbokoe jáne Borodýlıha aýdandarynda 450-den astam, Ulan aýdanynda 440-tan astam, Abaı aýdanynda 420-ǵa jýyq, Rıdderde 350-ge jýyq, Besqaraǵaı aýdanynda 295-ke jýyq oqytýshy COIVD-19-dan qorǵaldy.