2021 jylǵy 13 maýsymynda saǵat 15:19-da Eńbekshi aýdany, Momynov kóshesi boıynda ornalasqan «Jan Oıl» avto janar-maı beketiniń janyndaǵy gaz quıý beketinde órt shyqqany týraly habar kelip tústi, dep habarlaıdy Egemen.kz. Bul týraly otyrar.kz saıty málimet taratty.
Birinshi jetken órt sóndirý bólimderi kólemi 4 tonnalyq gaz sısternasynda gaz janyp jatqandyǵyn anyqtady. О́rt saǵat 16:08-de oqshaýlanyp, saǵat 16:10-da tolyǵymen sóndirildi. О́rttiń shyǵý sebebi anyqtalýda.
Oqıǵa ornynda gaz quıý beketinde operator jumysyn atqaryp júrgen 1992 jyly týǵan er azamat zardap shegip, 18% beti jáne eki qolynyń bilegin 1-shi dárejeli kúıik shalǵan. Zardap shekken jumysshyǵa alǵashqy medısınalyq kómek kórsetilip, úıine qaıtaryldy.
Jalyndy aýyzdyqtaýǵa órt sóndirý qyzmetiniń jeke quramynda 21 adam, 7 tehnıka, Apattar medısınasy ortalyǵy fılıalynyń 1 brıgadasy jumyldyryldy.