Býdapeshtegi álem chempıonatynyń eń sońǵy kúni dzıýdoshylar aralas komandalyq saıysta myqtylardy anyqtady. Bul tartys Japonııa quramasynyń jeńisimen aıaqtaldy, dep habarlaıdy Egemen.kz.
Kún shyǵys eliniń ókilderi aıtýly dodada ekinshi quramda óner kórsetkenine qaramastan barlyq básekede óz qarsylastarynan basym tústi. Toptyq týrnırde olar Ýkraınany utsa, jartylaı fınalda Reseı quramasynyń tas-talqanyn shyǵardy. Aqtyq aıqasta azııalyqtar Fransııanyń balýandarymen sheberlik baıqasty. Olar óz kezeginde Nıderland, Grýzııa jáne О́zbekstanyń órenderin joldarynan yǵystyrǵan edi. Fınaldyq saıysta Japonııa balýandarynyń qarqyny tym kúshti boldy. Olar fransýzdardy bet qaratpaı utyp, komandalyq jarystyń bas júldesin oljalady. Al qola medal Brazılııa men О́zbekstannyń dzıýdoshylaryna buıyrdy.
Bul jarysta Qazaqstannyń dzıýdoshylary da óner kórsetken edi. Alǵashqy aınalymda jerlesterimiz brazıltııalyqtardan 0:3 esebimen jeńilip jatqanyna qaramastan tarazy basyn teńestire aldy. Bul rette Ańsarbek Ǵaınýllın (73 kılo), Ersultan Muzafarov (90 kılo) jáne Móldir Narynovanyń (70 kılo) óz qarsylastaryn qapy qaldyrdy. Biraq qosymsha kezdesýde Ońtústik Amerıkadan kelgen oǵyldandardyń baǵy jandy.