Qyzylorda men Mańǵystaý oblystarynda tótenshe jaǵdaı engizilýi múmkin. Májilis depýtattary osyndaı bastama aıtty, dep habarlaıdy Egemen.kz.
Depýtattardyń aıtýynsha, buǵan óńirlerde mal azyǵyna qatysty jaǵdaıdyń óte qıyn ekeni sebep. Onda ashtan tek resmı málimetter boıynsha, eki myńǵa jýyq bas qyrylyp qalǵan. Sonymen qatar, alypsatarlardyń kesirinen basqa oblystardan ákelinetin jem-shópti alýǵa kóp fermerdiń qaltasy kótereıdi. Mysaly, bir oram shóptiń baǵasy 17 myń teńgege deıin jetedi. Bul eldegi ortasha baǵadan tórt ese qymbat.
Depýtattar úkimetti shuǵyl sharalar qabyldaýǵa shaqyrdy, olar kóptegen qarapaıym problema, onyń ishinde jem-shóppen qamtamasyz etý respýblıkada áli kúnge deıin sheshilmegenin aıtty.
Eske salaıyq, Jelide Mańǵystaý oblysynda ashtan azyp ketken jylqylardyń sýretteri talqylanǵan bolatyn. Sýretterdi Facebook qoldanýshysy Berdimurat Tórekenov jarııalady. Onyń aıtýynsha, Mańǵystaý oblysyndaǵy birneshe aýylda jylqylar ólim aýzynda tur. Tórekenovtyń sózinshe, bıyl dalada jańbyr joq, jaıylymdar keýip ketken, jem jetispegennen jylqylarǵa berer azyq joq.