Aqtóbe oblysynda qańtarýly kólikte órtengen ekinshi bala qaıtys boldy, dep habarlaıdy Egemen.kz.
«2014 jyly týǵan bala denesiniń 80 paıyzyn kúıik shalyp, Áıteke bı aýdandyq aýrýhanasyna jetkizilgen. Jansaqtaý bóliminde em júrgizildi. Medısınalyq avıasııamen barǵan mamandar da kómek kórsetti. О́kinishke qaraı, em nátıjesi bolmaı, bala keshe túngi 12-de kóz jumdy. Onyń tynys alý joldaryn kúıik shalǵan», dedi oblystyq densaýlyq saqtaý basqarmasy basshysynyń orynbasary Aıgúl Kúshtaeva.
Aıta keteıik, Áıteke bı aýdany Eńbek tý aýylynda eki bala úıdiń aýlasynda turǵan «Vaz 2106» markaly avtokóliginiń salonynda oınaǵan. Belgisiz sebeptermen avtokólik órtenip ketken. Janyp jatqan kólikten 7 jasar bala shyǵyp úlgerip, al 3 jasar bala órtenip ketken edi.