Statýsy «qyzyl» tústi kórsetken Túrkistan qalasynyń turǵyny reıske jiberilgen joq, dep habarlaıdy Egemen.kz.
1 maýsymnan bastap úı karantıninde jatqan Túrkistan qalasynyń turǵyny 10 maýsymda ózin-ózi oqshaýlaý kezeńiniń aıaqtalýyn kútpesten qaladan ketýge tyrysqan. Azamattyń koronavırýstyq ınfeksııaǵa shaldyǵýyna baılanysty karantınge jatqyzylǵan ýaqytynan 14 kúnniń ótpegendigi jóninde «Turkistan» halyqaralyq áýejaıynda Ashyq jobasy aıasynda belgili boldy.
Sanıtarııalyq-epıdemıologııalyq qyzmet organdary oqshaýlaý rejımin buzýshyǵa ákimshilik aıyppul saldy. ÁQBtK-niń 452 babyna sáıkes onyń mólsheri 87 510 teńgeni quraıdy.
Túrkistan oblysynda 10-15 maýsym aralyǵynda Ashyq aqparattyq platformasynyń kómegimen ózin-ózi oqshaýlaý rejımin buzýdyń 6 jaǵdaıy tirkelgen. Qyzyl tús 2 paıdalanýshyda, sary tús 4 paıdalanýshyda anyqtalǵan.