«Ashyq» jobasy júzege asyrylǵaly beri oǵan elordanyń 1200-den astam kásipkeri qatysty. Bul jobanyń arqasynda karantındik shekteýler jaǵdaıynda bıznes túrli jeńildiktermen jumys istep keledi, dep habarlaıdy qala ákimdiginiń resmı saıty.
Qazaqstan Respýblıkasynyń Bas memlekettik sanıtarlyq dárigeriniń 2021 jylǵy 3 maýsymdaǵy qaýlysyna sáıkes, QR-kod arqyly (check-in boıynsha) kelýshilerdi kóp tirkegen nysanǵa «Ashyq» kóshbasshylary» statýsy beriledi. Bul statýsty kásipkerlik nysan eki apta boıy ıemdenedi.
Qazirgi ýaqytta Nur-Sultanda 72 kásipker QR-kod arqyly (check-in boıynsha) kelýshilerdi barynsha kóbirek tirkedi. Olardyń basym bóligin qoǵamdyq tamaqtaný nysandary, kınoteatrlar, teatrlar men basseınder quraıdy.
Jalpy, «Ashyq» pılottyq jobasynyń maqsaty – eń aldymen kelýshiler men nysan qyzmetkerleriniń qaýipsizdigin qamtamasyz etý.