18 maýsym kúni atmosferalyq aýa aǵyndarynyń ótýine baılanysty, elimizdiń kóp bóliginde naızaǵaı, qıyr soltústikte qatty jańbyr jáne burshaq kútiledi. Tek QR batysy men ońtústik-batysynda kún ashyq bolady. Respýblıka boıynsha keı jerlerde jel kúsheıedi, ońtústik-batysta jáne batysta shańdy daýyl, soltústikte jáne ońtústik-shyǵystaǵy taýlarda daýyl turýy yqtımal, dep habarlaıdy Egemen.kz.
«Qazgıdromet» RMK málimetinshe, Qostanaı, Soltústik Qazaqstan oblystarynyń keı jerlerinde daýyl, burshaq kútiledi.
Aqmola oblysynda daýyl turyp, burshaq jaýýy yqtımal, túnde keı jerlerinde jel 15-20 m/s kúsheıedi.
Pavlodar, Qaraǵandy oblystarynyń keı jerlerinde kúndiz burshaq, daýyl bolady.
Jambyl oblysynda kúndiz taýly aýdandarda burshaq, daýyl kútiledi, keı jerlerde shańdy daýylmen jel 15-20 m/s kúsheıedi.
Qyzylorda, Mańǵystaý, Atyraý oblystarynyń keı jerlerinde jeldiń jyldamdyǵy 15-20 m/s jetedi.
Túrkistan, Aqtóbe oblystarynda da jel kúsheıedi.
Kúndiz Qyzylorda, Mańǵystaý, Atyraý, Pavlodar, Qaraǵandy oblystarynda, Almaty, Túrkistan oblystarynyń keı jerlerinde, Batys Qazaqstan oblysynyń ońtústiginde aptap ystyq bolady.
Qyzylorda, Túrkistan, Aqtóbe oblystarynda, Jambyl, Almaty, Qostanaı, Aqmola, Pavlodar, Qaraǵandy oblystarynyń keı jerlerinde, Shyǵys Qazaqstan, Batys Qazaqstan oblystarynyń jekelegen aýdandarynda tótenshe órt qaýpi saqtalady.