Búgin Túrkııanyń Ystanbul qalasynda grek-rım kúresinen Vehbi Emre&Hamit Kaplan memorıaly ótedi. Bul týrnırde Qazaqstannyń jeti balýany baq synaıdy.
38-márte jalaýy jelbiregeli otyrǵan jarysqa jerlesterimiz san ret qatysqan. Solardyń arasynda jeńis tuǵyryna kóterilgen sańlaqtar da az emes. Bul joly ulttyq komandamyzdyń bas bapkeri Baqtııar Baıseıitov Aıdos Sultanǵalı, Meırambek Aınaǵulov (60 kılo), Ashat Dilmuhamedov, Demeý Jadyraev, Temirlan Shadýkaev (77 kılo), Nursultan Tursynov jáne Azamat Qustybaev (87 kılo) syndy sańlaqtarǵa senim artyp otyr. Olardyń barlyǵy da úlken synaqtardan ótip, asa iri halyqaralyq jarystarda atoı salyp júrgen sportshylar ekenin jankúıerler jaqsy biledi.
Esterińizge sala keteıik, Qazaqstannyń grek-rım kúresi sheberleri dál osy salmaq dárejesinde olımpıadalyq lısenzııaǵa ıelik etken bolatyn. Bul bizdiń jigitter úshin sońǵy synaq. Anadoly elindegi saıysta eń jaqsy nátıje kórsetken balýandar kelesi aıda Tokıoda alaýy tutanatyn jahandyq dodada baq synaý qurmetine bólenedi.