Dúnıejúzilik densaýlyq saqtaý uıymy urpaqty bolý jasyndaǵy áıelderdi alkogoldi ishýden bas tartýǵa shaqyrdy. Bul týraly 2022-2030 jyldarǵa arnalǵan alkogolmen kúresýdiń ǵalamdyq is-qımyl jospary jobasynda aıtyldy, dep habarlaıdy Egemen.kz.
Qujatqa sáıkes elder alkogoldik ishimdikterdiń zııany týraly qoǵamnyń habardarlyǵyn arttyrýy kerek, ásirese balalarǵa, júkti áıelder men bala kóterý jasyndaǵy áıelderge erekshe nazar aýdarý qajet.
Bul málimdeme jeli qoldanýshylary arasynda synǵa ushyrap jatyr.
«DDU urpaqty bolý jasyndaǵy áıelderge ishimdik ishýge tyıym salýdy usynady. Sonda biz áıelderdi tek bala kóterý qabiletine qaraı baǵalaımyz ba?», dep jazdy Twitter qoldanýshylarynyń biri.