ÝEFA Eýropa chempıonatynda óner kórsetip jatqan oıynshylardan baspasóz konferensııasynda demeýshilerdiń qutysyna tıispeýdi talap etti jáne fýtbolshylardy demeýshilerge qurmetpen qaraýǵa shaqyrdy, dep habarlaıdy Egemen.kz Reuters saıtyna silteme jasap.
Sondaı-aq ÝEFA ókilderi týrnırge qatysýshylarǵa demeýshilik sharalar týrnırdiń jáne fýtboldy damytýdyń ajyramas bóligi ekenin eskertip, demeýshilerge qurmetpen qaraýǵa shaqyrdy.
«Demeýshilik týrnır úshin de, Eýropa fýtboly úshin de mańyzdy», dedi Eýro-2020 týrnıriniń dırektory Martın Kallen.
Martın Kallen oıynshylarǵa baspasóz konferensııasyndaǵy áreketi úshin ÝEFA tarapynan aıyppul salynbaıtynyn málimdedi.
Eske sala keteıik, jaqynda Portýgalııa ulttyq quramasynyń juldyzy Krıshtıaný Ronaldý baspasóz konferensııasynda demeýshiler usynǵan Coca-Cola sýsynyn ústelden alyp tastap, onyń ornyna sý ishýge shaqyrdy. Arada birer kún ótkende Fransııa ulttyq quramasynyń oıynshysy Pol Pogba demeýshiler usynǵan Heineken sýsynyn (syra) alyp tastady.