Ýkraınada Saýda jáne ıntegrasııa mınıstri Baqyt Sultanovtyń jumys sapary aıasynda Qazaqstan-Ýkraın kelissózderi jalǵasýda, dep jazady Egemen.kz.
«Qazaqstannyń múddesin alǵa tarta otyryp, Ýkraına úkimetiniń basshylyǵymen birqatar kezdesýler ótkizdim. Ýkraına Premer-Mınıstri Denıs Shmygal myrzamen ekijaqty ózara is-qımyldyń barlyq ózekti máseleleri boıynsha pikir almastyq.
Qazir barlyq elderdiń aldynda basty mindet tur, ol koronavırýsqa baılanysty jarııalanǵan karantın shekteýlerinen keıingi ózara qarym-qatynasty jalǵastyrý. Bul mindetke qol jetkizýdiń basty joly - halyqty jappaı vaksınalaý.
Qazaqstan covid-19 koronavırýsyna qarsy óz vaksınasyn óndiretin sanaýly elderdiń biri bolyp tabylady. Adamnyń adenovırýstyq vektorlary platformasynda jasalǵan bizdiń QazVac vaksınasy 96% astam tıimdilikke ıe. Kıev qyzyǵýshylyq tanytqan jaǵdaıda bizdiń vaksınany jetkizýdi qamtamasyz etýge daıynbyz», dep jazdy mınıstr feısbýktegi paraqshasynda.