Qalalyq polısııa Almaty sýburqaǵynda bolǵan oqys oqıǵaǵa qatysty isti qandaı bap boıynsha tergep jatqandaryn aıtty, dep habarlaıdy Egemen.kz.
«Atalǵan faktini Bostandyq aýdandyq polısııa bólimi tekserip jatyr. QR Qylmystyq kodeksiniń 306-baby, 2-bóligi boıynsha is qozǵaldy», dedi Almaty qalalyq PD baspasóz qyzmeti
306-baptyń 2-bólgi boıynsha sottalǵandarǵa 5 myń aılyq eseptik kórsetkishke deıingi kólemde aıyppul salynady nemese sol mólsherde túzeý jumystaryna, ıaǵnı 1200 saǵatqa deıin qoǵamdyq jumystarǵa jegiledi nemese bes jylǵa deıin bas bostandyǵyn shekteý nemese belgili bir laýazymdardy atqarý quqyǵynan aıyra otyryp, sol merzimge bas bostandyǵynan aıyrý jazasy kesiledi.
Aıta keteıik, 20 maýsymda áleýmettik jelide Almatydaǵy kóshedegi sýburqaqta eki qyz ben bir áıeldi elektr toǵy soǵyp, óltire jazdaǵany belgili boldy. Oqys oqıǵa Qazaq memlekettik sırki ǵımaratynyń janynda bolǵan.