Shymkenttik polıseı kópirden sekirmek bolǵan er adamdy qutqaryp qaldy, dep habarlaıdy Egemen.kz.
20 maýsymda Shymkent QPD Eńbekshi aýdany Polısııa basqarmasynyń «102» telefonyna Qapal batyr kóshesinde ornalasqan kópirden er adamnyń sekirýge oqtalyp turǵandyǵy jaıynda habarlama túsken.
Oqıǵa ornyna jiberilgen Patrýldik polısııa polkiniń ınspektory Nurjan Sadhan sol jerge jetken kezde er adamnyń kópir jaqtaýyna shyǵyp sekirýge oqtalǵanyn baıqady. Polısııa qyzmetkerleri jedel áreket etip, kópir jaqtaýynda turǵan jigitti qaýipsiz jerge shyǵaryp úlgerdi.