О́zbekstan elge keletinder úshin koronavırýsqa mindetti PTR-testileýdi qaıta engizýde. Mundaı sheshimdi jaqynda koronavırýsqa qarsy is-qımyl jónindegi arnaıy respýblıkalyq komıssııa qabyldady, dep habarlaıdy Egemen.kz.
«Sanıtarlyq-epıdemıologııalyq salaýattylyq jáne qoǵamdyq densaýlyq qyzmeti О́zbekstan Respýblıkasyna shekaralyq ótkizý pýnktteri arqyly kiretin barlyq adamǵa PTR-testileýdiń mindetti júıesin engizedi. О́zbekstan aýmaǵyna kirgennen keıin jeti kún ishinde PTR-test qaıta jasalýy kerek», delingen vedomstvo habarlamasynda.
Esterińizge sala keteıik, buǵan deıin 15 naýryzdan bastap О́zbekstanda sońǵy 72 saǵat ishinde jasalǵan PTR-testileý alynyp tastalǵan edi. Elde koronavırýs turaqty ósýi baıqalǵandyqtan, karantın sharalaryn qatańdatý sharalary qabyldandy.
Tek ótken táýlikte koronavırýspen aýyratyn 427 naýqas anyqtaldy. Tashkent (163) jáne Tashkent oblysy (61) kósh bastap tur. Aýrýhanalarda kovıd jaǵdaıy rastalǵan 3571 naýqas bar.