MEREKELIK MEDALDAR TAPSYRYLDY

Uly Jeńis merekesi jaqyn­daǵan saıyn atqarylǵan sharalar da san-salalyǵymen sıpattala túsýde. Urys dalalarynda 90 myń­nan astam sol­tústikqazaq­standyq jaýmen shaı­qassa, 53-i Keńes Oda­ǵy­nyń Batyry atanǵan, al 11-i “Dańq” ordeniniń tolyq ıegeri bol­ǵan. Solardan kózi tirileri 900-deı ǵana. Elbasynyń tapsyrmasy­na sáıkes oblysta 24 myńǵa jýyq soǵys ardageri men tyl eńbek­ker­lerine jan-jaqty qurmet kórsetý erekshe ekpin aldy. Oblys ákimi Serik Bilálov bir top soǵys, eń­bek ardagerlerin qabyldap, mere­ke­lik medaldardy saltanatty túrde tabys etti. Ony birinshi bo­lyp Sapar Dúısenov, Petr Glakov, Kúlke Áýbákirova, Muqataı Aıt­baev aldy. Aımaq basshysy Jeńis­tiń 65 jyldyǵyn merekeleý ha­lyqtyq meıramǵa aınalatynyn, birde-bir maıdanger nazardan tys qalmaıty­nyn aıta kelip, Astana men Máskeý qalalarynda ótetin merekelik sharalarǵa arnaıy delegasııanyń jasaqtalǵanyn jetkizdi. Oblystyq jumyspen qamtý jáne áleýmettik baǵdarlamalar basqarmasynyń bastyǵy Asqar Saqypkereev soǵys ardagerleri men múgedekterine, olarǵa teńes­tirilgen­der men tyl eńbekker­lerine res­pýb­lıkadan jáne jer­gilikti jerden beriletin birjolǵy járdemaqynyń merekege deıin tıisti esep-shottarǵa aýdarylaty­nyn, basqa da qarjy­lyq qoldaý-jeńildikterdiń qaras­ty­rylaty­nyn málimdedi. О́mir ESQALI, Soltústik Qazaqstan oblysy.