Aqtaýdaǵy «Dostar» jaǵajaıynda bolǵan jastar arasyndaǵy tóbelestiń vıdeosy tarady, dep habarlaıdy Egemen.kz.
Jastar arasyndaǵy jappaı tóbelestiń vıdeosy 22 maýsymda túsirilgen.
Polısııanyń baspasóz qyzmeti 22 maýsymda «102» operatorlyq pýltine «Dostar» jaǵajaıynda tóbeles bolyp jatqany týraly qońyraý túskenin habarlady.
«Patrýldik polısııa batalonynyń ekıpajy oqıǵa ornyna jetip, úsh jas jigitti Aqtaý polısııa bólimine alyp ketti. Olardyń ekeýi kámeletke tolmaǵan bolyp shyqty. Ákimshilik hattamalar 127-bap jáne Qazaqstan Respýblıkasy Ákimshilik kodeksiniń 434-baby boıynsha jasaldy. Qalǵan tóbeleske qatysýshylar anyqtalyp jatyr», dedi oblystaǵy polısııa.