Premer-mınıstrdiń orynbasary Eraly Toǵjanov Qazaqstanda lokdaýn engizý máselesi qarastyrylmaıtynyn málimdedi, dep habarlaıdy Egemen.kz.
«Búginde Qazaqstan boıynsha lokdaýn engizý máselesi kún tártibinde turǵan joq. Buǵan deıin vedomstvoaralyq komıssııa otyrysynda shekteýler boıynsha usynystar berdik. Ári qaraı ne bolatynyn epıdemıologııalyq jaǵdaı kórsetedi», dedi Toǵjanov OKQ onlaın-brıfınginde.
Buǵan deıin Qazaqstanda koronavırýstyń úndi shtamyna baılanysty karantın kúsheıtiletini habarlanǵan bolatyn. Sonymen qatar Nur-Sultanda jekelegen shekteýler engiziledi.