Túrkitildes elder jastarynyń ókilderi Qazaqstan Respýblıkasy Táýelsizdiginiń 30 jyldyǵyna arnalǵan «Túrki elderi jastarynyń alleıasynyń» ashylýyna qatysty, dep habarlaıdy Egemen.kz.
Is - shara 2021 jylǵy 21-23 maýsym aralyǵynda Túrkistan qalasynda ótken Túrki elderiniń jastar kóshbasshylary men belsendileriniń «Túrkistan-Túrki áleminiń besigi» sammıti aıasynda ótti.
Sammıt aıasynda Qoja Ahmet Iаssaýı atyndaǵy Túrkistan ýnıversıtetinde sammıtke qatysýshy elderdiń Jastar uıymdary arasynda yntymaqtastyq týraly memorandýmdarǵa qol qoıylyp, túrki tarıhy men mádenıetiniń ózekti taqyryptaryna arnalǵan semınarlar ótti.
Túrkistandaǵy Halyqaralyq Jastar sammıtiniń sońǵy kúni qatysýshylar men qonaqtar Arystan bab kesenesine, Otyrar qalashyǵyna, Aqmeshit úńgirine jáne jalpy túrki jáne qazaq tarıhynyń basqa da oryndaryna bardy.
Eske sala keteıik, sammıttiń oflaın jáne onlaın formattaryndaǵy is-sharalaryna Qazaqstan, Túrkııa, О́zbekstan, Qyrǵyzstan, Ázirbaıjan, Túrikmenstan, Vengrııadan, sondaı-aq Reseı Federasııasynyń Tatarstan jáne Bashqurtstan sýbektilerinen 200-ge jýyq jastar kóshbasshylary men belsendileri qatysty.
Sammıttiń negizgi maqsaty: túrki elderiniń jastaryn ortaq tarıh, mádenıet, dástúrler men qundylyqtar, sondaı - aq túrki áleminiń bolashaq damýyna ortaq kózqaras negizinde toptastyrý; «Túrkistan-Túrki áleminiń rýhanı astanasy» ıdeıasyn ilgeriletý.