Aǵylshyndar atoı saldy

Áıgili «Ýemblı» stadıonynda ótken matchta qalaı da óz tobynda birinshi oryn alýdy maqsat tutqan aǵylshyndar jasyl alańǵa alǵashqy mınýttardan Djordan Pıkford, Kaıl Ýoker, Harrı Magýaır, Djon Stoýnz, Lıýk Shoý, Bakaıo Saka, Kalvın Fıllıps, Deklan Raıs, Djek Grılısh, Rahım Sterlıng jáne Harrı Keın syndy eń úzdik oıynshylaryn shyǵardy. Chehııa quramasynyń bas bapkeri myna jigitterge senim artty: Tomash Vaslık, Vladımır Soýfal, Tomash Kalas, Ondrjeı Chelýstka, Iаn Borjıl, Lýkash Masopýst, Tomash Soýchek, Tomash Holesh, Vladımır Darıda, Iаkýb Iаnkto jáne Patrık Shık.

Oıyndy birden ekpindi shabýylmen bastaǵan alań ıeleri 12-mınýtta kózdegen maqsatyna qol jetkizdi. «Manchester Sıtıdiń» juldyzy Rahım Sterlıngtiń baǵyttaǵan dobyna Tomash Vaslık tosqaýyl qoıa almady. Sodan keıin de báseke óte shıelenisti ótti. Biraq tabldoǵy esep ózgerissiz qaldy – 1:0.

Glazgoda ótken kezdesýde alǵashqy goldy qonaqtar soqty. 17-mınýtta Nıkola Vlashıch nysanany dál kózdedi. Birinshi kezeń aıaq­talar tusta Kallým Makgregor tarazy basyn teńestirdi. Biraq jer­gilikti jankúıerlerdiń qýany­shy uzaqqa sozylmady. Úzilisten keıin basymdyqqa ıe bolǵan horvatııa­lyqtar qatarynan taǵy eki ret mergendik tanytty. 62-mınýtta Lýka Modrıch alystan soqqy ja­sap, dopty torǵa dál túsirse, 77-mınýtta Ivan Perıshıch báse­keniń sońǵy núktesin qoıdy – 1:3.

Sóıtip jeti upaıdy oljalaǵan Anglııa óz tobynda birinshi oryndy ıelendi. Horvatııa men Chehııa márege birdeı jetti. Ekeýinde de tórt upaıdan. Qosymsha kór­setkishteriniń arqasynda horvattar ekinshi satyǵa jaıǵassa, che­hııa­lyqtar úshinshi orynda qalyp qoı­dy. Biraq soǵan qaramastan Iаroslav Shılgavy shákirtteri Eý­ro dodasynyń kelesi kezeńine jol­dama aldy.

Al Shotlandııa úsh kezdesýdiń ekeýin óz otanynda ótkizgenine qaramastan eń sońǵy oryn­dy qanaǵat tutty.