Ulybrıtanııa bıligi koronavırýsqa qarsy ekpe saldyrǵan turǵyndardyń álem boıynsha saıahattaýyna ruqsat berýdi josparlap otyr. Bul týraly Densaýlyq saqtaý mınıstri Mett Hankok málimdedi, dep habarlaıdy Egemen.kz.
Bul azamattarǵa Fransııa, Italııa, Ispanııa, Portýgalııa, Gresııa jáne AQSh sııaqty memleketterge barýǵa múmkindik beredi.
Onyń aıtýyna qaraǵanda, Úkimet vaksınasııa arqyly álemniń kez kelgen elinde erkin júrý múmkindigin qalpyna keltirýge septigin tıgizetin josparlardy iske asyrmaq.
«Bul sharalar klınıkalyq turǵydan áli usynylǵan joq. Biz osy máselelerdi qazirgi tańda sheship jatyrmyz. Vaksınasııalaý baǵdarlamasynyń maqsaty da sol. Mine, sondyqtan árbir eresek adamnyń shyǵyp, ekpeni alýy óte mańyzdy», dep túsindirdi mınıstr.
Sonymen qatar saıahatshylarǵa úıge oralǵannan keıin oqshaýlanýdyń qajeti de bolmaıdy.