Táýelsizdik jyldarynda eldegi aqparat quraldarynyń sany 407-den 4,5 myńǵa kóbeıdi. Bul týraly Aqparat jáne qoǵamdyq damý mınıstri Aıda Balaeva URKER-2021 ulttyq báıgesiniń marapattaý sharasynda aıtty, dep habarlaıdy Egemen.kz.
«Osy sátti paıdalanyp jýrnalıster qaýymy men barsha aqparat salasynyń mamandaryn kásibı merekemen shyn júrekten quttyqtaımyn. El táýelsizdiginiń 30 jyly ishinde memleketimizge ótken otandyq medıa salasy da jańarý, damý kezeńinen ótti. Táýelsizdiktiń alǵashqy jyldary elimizde tek 407 aqparat quraly, sonyń ishinde eki telearna ǵana bolsa, qazir olardyń sany 4,5 myńnan asty. Bir ǵana «Qazaqstan» ulttyq arnasy búginde quramyna 5 respýblıkalyq, 14 óńirlik telearna, 4 radıo enetin úlken ulttyq korporasııaǵa aınaldy», dedi mınıstr.
Vedomstvo basshysy aqparat quraladyryny sanymen birge sapasy da artqanyn atady.
«Ulttyq medıa tarıhynda tuǵysh ret balalar arnasy Balapan, sport arnasy QazSport, kórermenderiń kózaıymy bolyp otyrǵan Abai arnasy iske qosyldy. Táýlik boıy aqparat taratatyn «Habar-24», 10 mıllıonǵa jýyq kórermeni bar «Elarna», álemniń 120-dan astam eline habar taratatyn Qazaq.tv bar «Habar» agenttigi – búgin eń iri medıaortalyq. Jalpy el aýmaǵynda qazirgi tańda 184 telearna, 79 radıo, 790 aqparattyq agenttik bar», dedi Aıda Balaeva.