Almatyda qyzmet babynda qaza tapqan polıseılerge eskertkish ashyldy, dep habarlaıdy Egemen.kz.
«Eskertkish quqyq qorǵaý organdarynyń qatarynda jáne olardyń týystary men áriptesteriniń esinde máńgi qalǵan tártip saqshylarynyń qurmetine jasaldy. О́kinishke oraı, táýelsizdik jyldarynda 37 almatylyq polıseı qyzmettik mindetterin oryndaý barysynda, qylmysqa qarsy kúreste qaıtys boldy. Bizdiń qasıetti boryshymyz – olardyń esteligin qurmetteý, olardyń erlikterin mura retinde urpaqtan urpaqqa jetkizý jáne otbasylaryn barlyq jaǵynan qoldaý», dedi Almaty qalalyq PD bastyǵynyń orynbasary Ábdýálı Nasharbekov.
Spıkerdiń aıtýynsha, budan bylaı eskertkishtiń aıasynda jas qyzmetkerlerdiń ant qabyldaý rásimi ótedi, al mereke kúnderi saltanatty is-sharalar ótkizý josparlanyp otyr.
Is-sharaǵa Almaty PD-niń basshylyǵy, aýdandyq PB-nyń jeke quramy, ardagerler keńesiniń ókilderi jáne qaıtys bolǵan qyzmetkerlerdiń týystary qatysty.