Qazaqstandyq bylǵary qolǵap sheberi Jánibek Álimhanuly kásipqoı bokstaǵy onynshy jekpe-jegin ótkizdi, dep habarlaıdy Egemen.kz.
AQSh-tyń Las-Vegas qalasyndaǵy boks keshinde ol amerıkalyq Rob Brantpen qolǵap túıistirdi. Qarsylasy - WBA nusqasy boıynsha orta salmaqta álemniń eks-chempıony.
Búgingi jekpe-jek on raýndqa josparlanǵan edi. Degenmen segizinshi raýndtan keıin Rob Brant rıngke shyǵýdan bas tartty. Osylaısha qazaqstandyq boksshy jeńiske jetti. Aıta keteıik, altynshy raýndta ol qarsylasyn nokdaýnǵa túsirdi.
Jánibek Álimhanuly óziniń kásibı bokstaǵy onynshy jeńisine qol jetkizdi. Al Rob Brant úshinshi márte jeńilistiń ashy dámin tatyp otyr.
Sonymen qatar, Jánibek bul keshte «qazaq stılin kórsetýge» ýáde etken bolatyn. Jekpe-jekti «Habar» telearnasy kórsetti.