Bul kúnderi Grýzııanyń bas shahary – Tbılısıde sý dobynan erler arasyndaǵy álemdik lıganyń sýperfınaldyq saıystary ótip jatyr, dep habarlaıdy Egemen.kz.
Osy jarystaǵy tusaýkeser kezdesýin Qazaqstan quramasy Italııaǵa qarsy ótkizdi. Olımpııa oıyndary men Eýropa birinshiliginde úsh ret bas júldeni oljalap, álem chempıonatynda tórt márte top jarǵan áıgili komandaǵa jerlesterimiz aıtarlyqtaı qarsylyq kórsete almady. Alǵashqy mınýttardan tizgindi qolǵa alǵan Apennın túbeginiń túlekteri qorytyndy esepte 17:11 esebimen jeńiske jetti.
Búgin otandastarymyz Fransııanyń vaterpolshylarymen sheberlik baıqasty. Bul kezdesýde bizdiń jigitter nebary bir dop aıyrmashylyǵymen jeńilip qaldy – 11:12.