Máskeýdegi meıramhanalar Sovid-free erejeleri boıynsha jumys isteı bastady. Endi tamaqtaný oryndary tek koronavırýsqa qarsy vaksınany saldyrǵan, sońǵy 6 aı ishinde indetten saýyǵyp shyqqan nemese PTR-testiniń teris nátıjesi kórsetilgen anyqtamalary bar adamdardy ǵana qabyldaıdy, dep habarlaıdy Egemen.kz.
«Kásipkerler I.moscow portalynda COVID-free formatynda jumys isteýge nıet bildirýde. Budan keıin olar tek QR kodtar arqyly kelýshilerdiń nysandarǵa kirýin uıymdastyrady. QR kodtar olardyń koronavırýstyq ınfeksııaǵa qarsy egilgenin nemese sońǵy alty aıdaǵy aýrý faktisin nemese EMIAS-da esepke alý úshin sertıfıkattalǵan zerthanalardyń birine PTR analızderdi tapsyrǵanyn rastaıdy», dep túsindirdi Máskeý meri apparaty basshysynyń birinshi orynbasary Alekseı Nemerıýk.
Ol QR-kodty tekserý birneshe sekýnd ýaqytty alatynyn naqtylady: smartfon kamerasyn kodqa sáıkestendirgen kezde ekranda sertıfıkattyń jaramdylyǵyn rastaıtyn aqparat, smartfon ıesiniń tegi, aty, ákesiniń aty jáne qujattarmen salystyrý maqsatynda onyń tólqujatynyń birneshe sany paıda bolady.