Bul joly Qarjy naryǵyn retteý jáne damytý agenttigi Capital Bank Kazakhstan bankin lızensııasynan aıyrý týraly sheshim qabyldady.
Capital Bank Kazakhstan aksıonerlik qoǵamyn bank jáne ózge de operasııalardy, baǵaly qaǵazdar naryǵynda qyzmetti júrgizýge berilgen lısenzııadan aıyrý týraly sheshim osy jyldyń 24 maýsymynda qabyldanǵan. Buǵan birneshe sebep negiz bolyp otyr. Atap aıtqanda, bank prýdensııalyq normatıvterdi jáne basqa da saqtalýy tıis ózge de norma men lımıtti júıeli túrde buzyp kelgen. Iаǵnı mundaı jaǵdaı bir jyldyń ishinde úsh retten artyq qaıtalanǵan. Budan bólek, banktiń iri qatysýshysy ýákiletti organnyń qosymsha kapıtaldandyrý jónindegi talaptaryn oryndamaǵan. Sondaı-aq qarjy ınstıtýty tólemge qabiletsiz bank sanatyna jatqyzylǵan. Lısenzııadan aıyrylǵan kúngi jaǵdaı boıynsha bank aktıvteriniń mólsheri 38,5 mlrd teńgeni, nesıe qorjyny 33,9 mlrd teńgeni qurady. Onyń ishinde 30,4 mlrd teńge nemese banktiń nesıe qorjynynyń 89,8 paıyzy – merzimi 90 kúnnen asqan jumys istemeıtin kredıtter. Banktiń ótimdi aktıvteriniń mólsheri 149 mln teńgeni quraıdy. Bul rette oryndalmaǵan klıenttik tólemderdiń kólemi 15 mlrd teńgeden asady.Prýdensııalyq normatıvterdi oryndamaýyna baılanysty Qarjy naryǵyn retteý jáne damytý agenttigi bankke qatysty 29 qadaǵalap den qoıý sharasyn qabyldap, 67 ákimshilik quqyqbuzýshylyq týraly hattama jasaǵan.«2020 jyly bank aksıoneri banktiń qarjylyq jaǵdaıyn jaqsartý jónindegi is-sharalar josparyn usyndy. Kórsetilgen jospardy oryndaý sheńberinde agenttiktiń qatań baqylaýymen bank 2020 jáne 2021 jyldary depozıtorlar aldyndaǵy 31 mlrd teńge somasyndaǵy mindettemelerin tómendetti. Jospardy iske asyrý sheńberinde áleýmettik turǵydan mańyzdy mekemeler (mektepter men aýrýhanalar) aldyndaǵy mindettemeler tolyǵymen jáne kvazımemlekettik sektor aldyndaǵy mindettemelerdiń aıtarlyqtaı bóligi de óteldi. Alaıda bank pen onyń aksıoneri qabyldaǵan sharalar banktiń qarjylyq jaǵdaıyn turaqtandyra almady. Bank prýdensııalyq normatıvterdi buzýdy jalǵastyrýda jáne klıentter aldyndaǵy tólemder men aýdarymdar boıynsha mindettemelerin oryndamaıdy» dep habarlady agenttik. Bank salymshylarynyń, jeke tulǵalardyń 99 paıyzynyń depozıtteri Qazaqstannyń depozıtterge kepildik berý qorynyń kepildigimen tolyq kólemde óteledi.Agenttik tóraǵasynyń 2021 jylǵy 24 maýsymdaǵy buıryǵymen ýaqytsha ákimshilik taǵaıyndaldy. Banktiń barlyq basqarý organdarynyń ókilettikteri ýaqytsha ákimshilikke aýysty. Ýaqytsha ákimshilik banktiń taratý komıssııasy taǵaıyndalǵanǵa deıin áreket etetin bolady.Osylaısha, 25 maýsymnan bastap Qazaqstan Respýblıkasynyń zańnamasynda kózdelgen jaǵdaılardy qospaǵanda, klıentterdiń jáne banktiń óziniń bank shottary boıynsha barlyq operasııa toqtatyldy. Agenttik zańnamada belgilengen tártippen banktiń qyzmetin májbúrlep toqtatý (taratý) týraly ótinishpen sotqa júginedi.