Eksporttaýshylardyń 2 mlrd shyǵyny óteldi

Eń kóp ótinish Qostanaı oblysynan kelgen – 118. Odan keıin Almaty qalasy (83) men Qaraǵandy oblysy (65) óndirýshileriniń belsendi ekeni baıqalady. Eń az ótinim Mańǵystaý oblysynan (5) kelip túsipti. Shyǵyndy óteý jaıly usynystardyń 21 paıyzy iri kásipkerlik sýbektilerine, 22 paıyzy orta jáne 57 paıyzy shaǵyn kásipkerlikke tıesili.«О́tinishterdiń basym bóligi – ta­ýarlardy jetkizý shyǵyndarymen baı­lanysty. Sonymen qosa taýarlar aınalymy boıynsha da ótinish­ter kóp. Iаǵnı qazaqstandyq taýarlar­dy shetelde jarnamalaý men jyl­jy­týǵa, taýarlardy qoımada saqtaýǵa, naryqtarda taýar belgilerin tirkeýge jáne tehreglamentterge sáıkestik rásim­deri­niń ótýine qatysty shyǵyndar. Vedoms­­tvoaralyq komıssııa 11 otyrysynyń qo­ry­tyn­dysy boıynsha 307 kom­pa­nııa­­dan 2 356 mln teńge somasyna 132 óti­nim shy­ǵyn­dardy óteýge ma­qul­dandy» delingen kompanııa habarlamasynda. 2019 jyly memlekettik qoldaý alǵan kompanııalar óndiris kólemin 9 pa­­ıyzǵa, eksporttyq túsim kólemin 3 pa­ıyzǵa arttyrypty, nátıjesinde salyq aýdarymdary kólemi 45 paıyz­ǵa ósken. Bul jańa 755 jumys orny­nyń ashylýyna yqpal etken. Al bizdiń taýarlar álemniń 29 eline tikeleı eksporttalypty. Onyń arasynda qazaq taýarlaryn jańadan ımporttaı bastaǵan Ońtústik Koreıa, AQSh, Saýd Arabııasy, Oman, Kýveıt sııaqty elder bar. Byltyr memleket qoldaýyn alǵan kompanııalarda eksport deńgeıi 90 paıyzǵa deıin ósim kórsetken. Salyq aýdarymdarynyń kólemi 83 paıyzǵa ulǵaıǵan. «Shıkizattyq emes eksport shyǵyn­darynyń bir bóligin óteý boıynsha memlekettik qoldaý alǵan eksport­taý­shylar 3 034 jańa jumys orynyn qurdy. AQSh, Meksıka, Taıvan, Iz­raıl, Fransııa, Estonııa, Kanada sııaq­ty jańa eksporttyq elder paıda boldy» delingen QazTrade málim­de­mesinde.