Búginde ulttyq qundylyqtar degende ana tilimiz, dinimiz, salt-dástúrimiz, ádebı, mádenı baı muralarymyz – babadan mıras bolyp qalǵan kóne jádigerlerimiz eske túsedi. Atalǵan asyl muralarymyzdy urpaqtan urpaqqa jetkizý – óz ultyn ulyqtaǵan árbir azamattyń qasıetti boryshy desem, qatelespeımin. Tuńǵysh Prezıdentimiz – Elbasy Nursultan Nazarbaevtyń «Uly dalanyń jeti qyry» baǵdarlamalyq maqalasy bizdiń Qaraqııa kásiptik kolledjinde de shyn máninde el tarıhyn ózgeshe tanyp, tarıhymyzǵa jańa qyrynan qaraýǵa túrtki boldy.
Qazirgi tańda Qaraqııa kásiptik kolledjiniń oqytýshylyq quramy ózderiniń oqý-tárbıe jumystarynda Elbasy maqalasyn zerttep-zerdeleýge aıryqsha nazar aýdaryp, keń kólemde izdenis jumystaryn júrgizý ústinde. Osy kúnge deıin oqý ornynda ulttyq qundylyqtardy nasıhattaý baǵytynda ótken aýqymdy is-sharalar – sonyń dáleli. Atap aıtsaq, atalǵan baǵyt boıynsha dóńgelek ústelder ótkizilip, ǵylymı jobalardy qolǵa alý maqsatynda ólkemizde ornalasqan Shopan ata, Beket ata, Shaqpaq ata, Qaraman ata, Masat ata kıeli oryndaryna kolledj ákimshiliginiń muryndyq bolýymen saıahattar uıymdastyryldy, ata-baba dástúrin nasıhattaý, urpaq boıyna ulttyq mentalıtetti sińirý, bolashaq ata-analardyń boıyna ulttyq qasıetterdi darytý isinde jańa qarqyn paıda boldy.Ulttyq qundylyqtar, ıaǵnı ana tilimiz, ádebı, mádenı muralarymyz – ata-babamyzdan mıras bolyp qalǵan qasıetti jádigerlerimiz. Asyl muralardy urpaqtan-urpaqqa jetkizý – óz ultyn ulyqtaǵan árbir azamattyń qasıetti boryshy. Osy maqsatpen kolledjimizdiń stýdentteri men Quryq aýylynyń aǵa býyn ardagerleriniń, qurmetti eńbek demalysyndaǵy ulaǵatty ustazdarynyń kezdesýleri únemi ótkizilip keledi.Qazirgi damyǵan, jańa zamanda ómir súrip jatqan biz, qoǵam músheleri otbasy qundylyqtaryn urpaǵymyzǵa tolyqqandy jetkizip kele jatyrmyz ba, qazirgi otbasy qandaı, qazaq shańyraǵynda ulttyq saltymyz, dástúrimiz, uly babalarymyz salyp ketken sara jol jalǵasyp kele me jáne otbasyndaǵy ul men qyzǵa berilip jatqan áke men ananyń tárbıesiniń mańyzdylyǵy qandaı degen saýaldarǵa jaýabymyzdy alyp, kózimizdi jetkizý maqsatynda kolledj ata-analaryna «Otbasy – tárbıe irgetasy», «Otbasy – adamzat besigi terbetken uıa», «Salt-dástúr – san ǵasyrlyq saf mura» taqyryptarynda suhbattar júrgizildi. TShO kompanııasy «Qoǵamdyq keńester» jobasy boıynsha ulttyq qundylyqtardy dáripteý jónindegi «Uly dalanyń rýhy» jobasymen jeńimpaz atanyp, ol aýyl turǵyndarynyń ıgiligine berildi. Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda ult tutastyǵy men urpaqtar sabaqtastyǵy, el múddesi men ulttyq qundylyqtar mánin tereńdete túsý maqsatynda uıymdastyrylǵan «Ulttyq qundylyq jádigerleri» taqyrybynda kolledjimizdiń oqytýshylary men qyzmetkerleri 50 beınerolık daıyndap, bilim alýshy jastarǵa ulttyq tálim-tárbıe berýde. Bul beınerolıkterde ata-babalarymyz qoldanǵan kóne jádigerler, erteden jalǵasyp kele jatqan qolóner buıymdaryn daıyndaý sheberlikteri, salt-dástúrlerdi dáripteý, ulttyq taǵam túrleri týraly maǵlumattar beriledi. Osy beınerolıkter toptamasy kolledjimizdiń 3-qabatynda arnaıy burysh retinde ornatylyp, stýdentterimizge, mektep oqýshylaryna turaqty kórsetilýde. Qazirgi tańda áleýmettik jeliler azamattardyń tulǵalyq áleýmettenýine erekshe yqpal etedi. Áleýmettendirý úderisi barysynda bilim berý tehnologııalary, ádis-tásilderi qoldanylatyndyǵyn eskere otyryp, joǵaryda baıandalǵan aýqymdy jumystar týraly málimetter kolledjimizdiń ınstagramm, feısbýktegi paraqshalarynda jarııalanyp, atalǵan jeliler qoldanýshylaryna túsinikter berilip otyrady.Sonymen qatar, dala órkenıetiniń mádenı murasy, eskertkishteri búginde oqý ornynyń aýlasyna jáne Tuńǵysh Prezıdent parkine ornatyldy. Tarıhı tańbalar shaǵyn kórkem músinderge aınalyp, kóne tarıhty umyt qaldyrmaı, kórýshiler sanasyn selt etkizerlikteı erekshe súıispenshilikpen jasalǵan. Olar – «Naıza», «Sadaq», «Qazan», «Qobyz», «Asyq», «Qumyra», «Dombyra», «Dýlyǵa», «Kókbóri», «Búrkit». Bul jumys áli de jalǵasyn tabýda.Qoryta aıtqanda, Uly dalanyń ulttyq qundylyqtaryn qazaq mádenıetiniń negizgi qaınar kózderi dep bilemiz. Olardy jas urpaqtyń sana-sezimi men tárbıesine sińirýdegi pedagogıkalyq ujymnyń eńbegi ólsheýsiz.
Dalabaı BEKMAǴAMBETOV, Qaraqııa kásiptik kolledjiniń dırektory
Mańǵystaý oblysy