Qazaqstandyq avtokólik óndirýshileri mektepterge 500-den astam avtobýsty jetkizedi, dep habarlaıdy Egemen.kz.
Bul týraly Úkimet otyrysynda Indýstrııa jáne ınfraqurylymdyq damý mınıstri Beıbit Atamqulov málimdedi.
2021 jyly qazaqstandyq bilim oshaqtary 515 arnaıy avtobýspen qamtylmaq: 20 oryndyq 347 avtobýs jáne 40 oryndyq 168 avtobýs. Avtobýstar júıeler men toraptardyń qaýipsizdigin ıntellektýaldy ári avtomatty túrde tekserýmen, salonda balalardy tastap ketýdiń aldyn-alý júıesimen, qosymsha qaýipsizdik beldikteri bar balalar kreslolarymen, jolaýshylar salonynyń artqy jaǵyndaǵy bir ret túrtýden ashylatyn apattyq shyǵyspen jáne sanıtarlyq-epıdemıologııalyq qondyrǵymen jabdyqtalǵan. Olar, sondaı-aq tirek-qımyl apparaty buzylǵan balalardyń qajettilikterine beıimdelgen.
Avtobýstardy daıyndaýǵa «QazTechna», «DaewooBusKazakhstan» jáne «HyundaiTransAuto» sekildi úsh qazaqstandyq zaýyt qatysqan.