Nur-Sultanda Qazaqstan halqy Assambleıasy Ǵylymı-eksperttik keńesiniń (QHA ǴEK) keńeıtilgen otyrysy ótti, dep habarlaıdy Egemen.kz.
Is-sharaǵa QHA tóraǵasynyń orynbasary - QR PÁ QHA hatshylyǵynyń meńgerýshisi Marat Ázilhanov, QR Bilim jáne ǵylym vıse-mınıstri Qýanysh Erǵalıev, QR Mádenıet jáne sport vıse-mınıstri Nurǵısa Dáýeshov, QR AQDM Etnosaralyq qatynastardy damytý komıtetiniń tóraǵasy Ǵalym Shoıkın, QR Prezıdenti janyndaǵy QSZI dırektory Zarema Shaýkenova, E. A. Býketov at. QarMÝ rektory N. Dýlatbekov, QHA ǴEK tóraıymy A. Sádýaqasova; QHA Ǵylymı-sarapshylyq keńesi men ǵylymı-sarapshylyq toptarynyń músheleri jáne t. b. onlaın-qosý arqyly qatysty.
Qatysýshylar QHA-nyń el táýelsizdigin nyǵaıtýda qosqan úlesin atap ótti.
Sondaı-aq olar QHA Ǵylymı-sarapshylyq qoǵamdastyǵy qyzmetiniń jańa tásilderi men perspektıvalaryn, QHA UEJ múshelerin rotasııalaý máselelerin talqylady.
M.Ázilhanov ǵalymdar men sarapshylardyń ulttyq damýdyń tereń prosesterin zerdeleý, memlekettik saıasatty iske asyrýdyń tıimdi joldary men tetikterin izdestirý jáne ázirleý boıynsha mańyzdy mıssııany atqaratynyna jáne strategııalyq mindetti oryndaıtynyna nazar aýdardy. Osylaısha, ol ǵylymnyń basym baǵyttaryn damytýdyń, zertteý nátıjelerimen, sońǵy jarııalanymdarmen almasý boıynsha sarapshylar úshin aqparattyq baza men ınteraktıvti alań qurýdyń ózektiligin atap ótti.
QHA ǴEK sheńberinde ǵylymı zertteýler men analıtıkanyń qoldanbaly aspektilerin kúsheıtý jónindegi Ǵylymı-sarapshylyq keńestiń jumysyn odan ári jetildirý sharalary ázirlendi, jalpy respýblıkalyq jáne óńirlik máselelerdi qamtı otyryp, irgeli jáne qoldanbaly zertteýlerdiń basym taqyryptaryn qosa otyryp, biryńǵaı is-qımyl josparyn ázirleý usynyldy.