2021 jylǵy 1 shildeden bastap Eýrazııalyq ekonomıkalyq odaq aýmaǵynda jumys izdeýdiń birizdendirilgen júıesi – «Shekarasyz jumys» ónerkásiptik paıdalanýǵa beriletin bolady, dep habarlaıdy Egemen.kz.
«Shekarasyz jumys» – bul EAEO-ǵa múshe memleketterdiń aqparattyq júıelerindegi bos jumys oryndary men bos jumys oryndaryn izdeýshiler týraly aqparat alýǵa arnalǵan izdeý júıesi.
«Ortaq ıntegrasııalyq júıeni bir ýaqytta iske qosý úshin sheteldik áriptestermen birlesip múshe memleketterdiń aýmaǵynda jumys izdeý boıynsha negizgi aqparattyq júıeler ázirlendi: «Gors» armıan aqparattyq júıesi, Belarýs Respýblıkasynyń Memlekettik jumyspen qamtý qyzmetiniń aqparattyq portaly, qyrǵyzdardyń «Jumyspen qamtý» portaly, «Reseıdegi jumys» aqparattyq júıesi jáne ózimizdiń «Eńbek» portaly», dedi QR Eńbek jáne halyqty áleýmettik qorǵaý vıse-mınıstri Erbol Ospanov.
Jalpy júıe EAEO-nyń barlyq jumys izdeýshileri men jumys berýshilerine ulttyq eńbek bırjalarynda jınalǵan, verıfıkasııalanǵan jáne jarııalanǵan bos jumys oryndary men túıindemeler boıynsha jumys ornyn nemese qyzmetkerlerdi izdeýge múmkindik beredi.