Sala mamandarynyń aıtýynsha, Qazaqstanda tigilgen kıimderdiń de, sheteldik taýarlardyń da baǵasy birtindep ósedi, dep jazady Egemen.kz
«Habar 24» arnasynyń málimetinshe, elimizde maqta az, al álemdik naryqta onyń baǵasy kúrt ósken. Qazaqstannyń jeńil ónerkásip kásiporyndary qaýymdastyǵy kıimniń qymbattaýyn osylaı dep túsindirdi. Naryqtaǵy suranysty burynǵydaı ımporttyq ónimder jaýyp otyr. Al otandyq tigin kásiporyndary byltyr negizinen memlekettik tapsyrystardy oryndaýmen aınalysqan.
«Jalpy, bizdiń elde ósiriletin maqta kólemi ishki naryqty qamtı alady. Biraq onyń barlyǵy derlik eksporttalatyndyqtan, ózimizge maqta jetpeıdi», deıdi qaýymdastyq prezıdenti Lıýbov Hýdova.
Al qazaqstandyq tigin kásiporyndaryna kem degende 15-20 myń tonna maqta kerek. Osy tusta, júktemesin oryndaý úshin olar shıkizatty syrttan satyp alýǵa májbúr. Al álemdik naryqta maqtanyń baǵasy orta eseppen 30%-ǵa ósti. Jún men polıesterden jasalǵan matalardyń da quny kóterilgen. Sonyń saldarynan, ımporttyq kıim qymbattady.