Aqtóbede atyshýly «Garant 24 Lombard», «ESTATE lombard» jáne «Vygodnyı zaım» qarjy pıramıdalaryna qatysty sot otyrysy bastaldy, dep habarlaıdy Egemen.kz.
Atalǵan uıymnan 17 myń adam zardap shekken. Olar 30 mıllıard teńgeden astam shyǵynǵa ushyraǵan.
Tergeý sharalary jarty jylǵa sozylǵan iste 48 adam kúdikti dep tanyldy. Onyń 33-i qamaýda. Qalǵan altaýyna izdeý jarııalanǵan.
«Uıym basshylaryna qatysty 32 qylmystyq is tirkeldi. Kúdiktilerden 70 mıllıon teńgeden astam qarajat, túrli múlikter tárkilendi. Ol zań boıynsha, qylmystyq jolmen tabylǵan paıda», dedi IIM Tergeý departamentiniń basshysy Sanjar Adılov.
Odan bólek polıseıler 15 kólik, eki júk kóligi, eki avtokran, qarda júretin kólik, 29 páter, alty úı, úsh jer telimi, bes kólik turaǵy men bir kofe-bılıard keshenin tárkiledi. Kúdiktilerden tárkilengen múliktiń jalpy quny eki mıllıard teńgeden astam.
Aıta keteıik, «Garant 24 Lombard» uıymdastyrýshylary Aqtóbe oblysynyń týmasy bolǵandyqtan, sot otyrysy osy qalada ótip jatyr.
Ásel Sarqyt