Nur-Sultan qalasynyń ákimi Altaı Kólginov 6 shilde – astana kúni qalaı toılanatynyn aıtyp berdi, dep habarlaıdy Egemen.kz.
«Árıne, qala kúni – turǵyndar úshin erekshe kún. Adamdardyń toılaǵysy keledi, onyń ústine, kóptegen adamdar merekeni kútip júr. Biraq epıdemıologııalyq jaǵdaıǵa baılanysty josparlarymyzdy ózgerttik. Jyl basynda josparlarymyz boldy, biraq qazir sanıtarlyq dárigerlerdiń talaptaryn eskere otyryp, jabyq ǵımarattardaǵy barlyq sharalar onlaın formatqa kóshýde, kóptegen is-sharalar toqtatyldy. Al kóshedegi sharalar áleýmettik qashyqtyq pen sanıtarlyq talaptardy eskere otyryp ótkiziledi», dedi A. Kólginov.
Sonymen birge, ákim qala kúni áleýmettik baǵytta ótetinin atap ótti.
«Biz kóptegen úılerdi paıdalanýǵa beremiz, kezekte turǵan 400 adam páter alady, zaǵıp balalarǵa arnalǵan balabaqsha ashamyz, 20 kóppáterli turǵyn úıdi úleskerlerge paıdalanýǵa beremiz, qala shetterinde dene shynyqtyrý kesheni ashylady. Biz paıda ákeletin naqty jobalarǵa nazar aýdarǵymyz keledi. Otshashý josparlanbaıdy», dedi A. Kólginov.