Bıootyn alýdyń tyń tásili

Ǵylymı joba avtorlary­nyń aıtýynsha, bıootyn­nyń paıdasy men mańyzy zor ári qorshaǵan ortaǵa tıgizetin ­zııany az.– Tabıǵı qorlar men ener­getıkalyq resýrstardyń sar­­qylý múmkindigi paıda bo­l­ǵannan keıin adamzat olar­dy únemdeýge jáne bala­ma­­ly qýat kózderin oılap tabý­ǵa ty­rysyp jatyr. Soń­ǵy jyl­dary álemniń bir­qatar da­my­ǵan elinde bıootyn ón­dirý qarqyndy túr­de damyp keledi. Bul beker emes. Sebebi bıootyn – jańar­tyl­ǵan energııanyń kózi, eko­logııa­lyq máselelerdi she­shý­diń tıim­di joly. Ári arzan jáne qoljetimdi. Ýaqyt ótken sa­ıyn damyp kele jat­qan qoǵam munaı men kómir ónimderi­nen góri adamǵa da, qorshaǵan ortaǵa da paıdaly otyn túrin qoldanǵandy jón kóredi. Sol sebepti de biz osy ǵylymı-zertteý jo­ba­­syn júzege asyrýdy jón kór­dik, – deıdi Qazaq ult­tyq qyzdar pedagogıkalyq ýnı­versıtetiniń stýdentteri.Ál-Farabı atyndaǵy Qa­zaq ulttyq ýnıversıtetinde ótken dástúrli jıynda Qyz­dar ýnıversıtetiniń jas izde­nýshiler jobasy qazylar alqasy tarapynan joǵary ba­ǵa­lanyp, úshinshi orynǵa ıe boldy. – Búginde jas ǵalymdar «Hımııa» mamandyǵy boıynsha bilim alady. Bul – olar­dyń ǵylym jolyndaǵy alǵash­qy jetistigi. Stýdentter tyń jo­­bany aldaǵy ýaqyt­ta Ja­ra­­tylystaný fakýlte­ti­niń bazasyndaǵy zerthanada je­tildirip, bolashaqta Start up jobalarǵa qatysýdy jos­par­­lap otyr, – deıdi stýdent­ter­diń ǵylymı jetekshisi.Osy oraıda aıta keteıik, qorshaǵan ortaǵa zııansyz otyn­dy óndirýshi elderdiń sany jyl ótken saıyn artyp keledi jáne otyndy ón­dirý kólemi sońǵy ýaqytta ósip otyr. Ádette bıootyn túr­li ósimdikterden alynady. Aıtalyq, osy otyndy eń kóp óndiretin Brazılııa qant qamysynan alsa, AQSh-ta ony júgeriden óndiredi. Árıne, atalǵan otyn túrin óndirýge degen Qazaqstannyń da ynta-yqylasy Eýropa elderinen kem emes. Qazaqstan bıoetanoldy óndirý isine eksportqa baǵyttalǵan taýar retinde basymdyq berip otyr. Budan buryn elimiz óndirgeli otyrǵan bıoetanoldy bıdaıdan alyp kelgeni aıan.

ALMATY