Dúnıejúzilik densaýlyq saqtaý uıymy koronavırýsqa qarsy belgili bir vaksınanyń ǵana eki dozasyn alýǵa keńes beredi. Bul týraly DDSU ımmýnızasııa bóliminiń basshysy Keıt O'Braıen málimdedi, dep habarlaıdy Egemen.kz.
«Bizde eki túrli vaksına salý kezinde ımmýndyq reaksııa saqtalatyny nemese onyń qaýipsizdigi týraly málimetter ázirge joq. Eki doza salý qajet kezde ekeýinde de tek bir vaksınany qoldanýdy usynamyz», dep atap ótti sarapshy.
Sonymen qatar O'Braıen uıymnyń AstraZeneca vaksınasynyń alǵashqy dozasynan keıin Pfizer/BioNTech vaksınasynyń ekinshi dozasyn salýdy maquldaıtyndyǵyn túsindirdi, óıtkeni munda aralas ımmýndaýdyń dáleli bar.