Almatyda dárethana shuńqyryna bir úıdiń úsh adamy túsip mert boldy. Polıseıler oqıǵanyń qalaı bolǵanyn aıtyp berdi, dep habarlaıdy Egemen.kz.
Almaty qalalyq Polısııa departamenti málimetinshe, patrýldik polısııanyń eki ekıpajy dabyldy qońyraýǵa dereý jaýap berdi. Bul 30 maýsym keshki saǵat segiz de boldy.
«Kezekshi jedel ýákilden qońyraý túskennen keıin birneshe mınýttan soń biz oqıǵa ornynda boldyq. Syrttaǵy dárethanaǵa birneshe adamnyń qulap ketkeni týraly aqparat aldyq. Dárethananyń syrtyn alyp tastap, shuńqyrǵa baspaldaq túsirdik. Birinshi bolyp tómenge polısııa kapıtany Murat Kákibekov tústi. Biz baspaldaq pen onyń qolynan qatty ustadyq. Tereńdigi shamamen 3 metr. Murat er adamnyń qolynan ustap úlgerdi. Ony shyǵaryp aldyq. Kapıtan Kákibekovti birden polısııa aǵa leıtenanty Madııar Tólembaev aýystyrdy. Ol bir jasar qyzdy taýyp, syrtqa shyǵardy. О́kinishke oraı, bala qaıtys boldy. Osy kezde qutqarýshylar keldi. Olar 56 jastaǵy áıel men 12 jasar balanyń denesin shyǵarý úshin arnaıy quraldardy qoldandy. Otbasy úshin aýyr, orny tolmas qaıǵy», dedi, patrýldik polısııa Polkiniń vzvod komandıri Asyl Razbek.
Qutqarylǵan er adam, jedel járdemge tapsyrylyp, shuǵyl aýrýhanaǵa jetkizildi.
«Qaıǵyly jaǵdaıdy anyqtaý barysynda, keshke úıdiń aýlasynda oınap júrgen bir jasar qyzdyń baıqaýsyzda kóshedegi dárethanaǵa túsip ketkeni anyqtaldy. Muny kórgen onyń 1955 jyly týǵan ájesi men 12 jasar aǵasy kómekke júgirip keldi, olar sábıdi shyǵarǵysy keldi, biraq olar da shuńqyrǵa túsip ketti. Sodan keıin balalardyń ákesi kómekke keldi - 1980 jyly týǵan K.esimdi azamat. Dárethana shuńqyryna túsip ketken balalary men anasyn sol jerden shyǵarýǵa tyrysqan. Alaıda, ol da esinen tanyp qaldy», dedi Naýryzbaı aýdandyq polısııa basqarmasynyń bastyǵy, polısııa podpolkovnıgi Dıdar Ahanov.