«Qyzyl aımaqtaǵy» Atyraý oblysynda koronavırýs ınfeksııasyn juqtyrý deregi qaıta kóbeıe bastady. Oblystyq densaýlyq saqtaý basqarmasy baspasóz qyzmetiniń aqparatyna súıensek, ótken táýlikte 98 adam qaýipti vırýsty juqtyrǵan, dep habarlaıdy Egemen.kz.
«Onyń ishinde 69 naýqas Atyraý qalasynda tirkelip otyr. Sondaı-aq, Teńiz kenishinde – 7, Jylyoı aýdanynda – 10, Isataıda – 3, Inderde – 2, Mahambette – 2, Qyzylqoǵada – 2, Maqat aýdanynda 2 adamnan qaýipti vırýstyń belgisi anyqtaldy» dep habarlady basqarmanyń baspasóz qyzmeti.
О́ńirdegi ınfeksııalyq stasıonarlarda 397 naýqas em qabyldap jatyr. Onyń ishinde modýldik aýrýhanada – 161, №2 oblystyq aýrýhanada – 110, aýdandardaǵy stasıonarlarda – 77, Teńiz ken ornyndaǵy ınfeksııalyq stasıonarda 49 pasıent emdelýdi jalǵastyrýda. Al, úı jaǵdaıynda emdelýge 385 adam oqshaýlanyp otyr.