Koronavırýs ınfeksııasyn órshitpeý maqsatynda Almatynyń Halyqaralyq áýejaıynda sanıtarlyq-epıdemıologııalyq baqylaý qaıta kúsheıtildi, dep habarlaıdy Egemen.kz.
Almatyda KVI-diń taralýyn boldyrmaý jónindegi shtabtyń deregi boıynsha 2020 jyldyń 6 qazanynan 2021 jyldyń 30 maýsymyna deıin qalanyń Halyqaralyq áýejaıyna bortynda 424 799 jolaýshy bar 2935 reıs kelgen. Onyń ishinde COVID-19 teris nátıjesi bar sertıfıkattarmen - 395 431, vaksınalaný pasporttarymen - 3836, sertıfıkattarsyz 25 532 adam boldy.
Karantındik stasıonarǵa osy ýaqytqa deıin 25 500 adam PTR analızin tapsyrý úshin jatqyzylyp, onyń ishinde 125 jolaýshydan indet tabylǵan bolatyn.
Teris PTR synaǵy sertıfıkattarynyń bolmaýy saldarynan 32 sheteldik azamat Almaty áýejaıynan elderine qaıtaryldy.
Eske salsaq, megapolıstegi sanıtarlyq-epıdemıologııalyq ahýal mýtasııalanǵan «Delta» shtamynyń taralýyna baılanysty kúrdelene túsýde. 1 shildedegi jaǵdaı boıynsha Almaty qalasynda koronavırýs ınfeksııasynyń 74 306 jaǵdaıy tirkeldi, onyń 57 841-i sımptomdy, 16 465-y sımptomsyz, 1 993 jaǵdaıy anyqtalmaǵan pnevmonııa.
30 maýsymda koronavırýs ınfeksııasynyń 305 jaǵdaıy tirkeldi, onyń 282-si sımptomdy, 23-i sımptomsyz. Táýliktik ósim - 0,4% . Reprodýktıvti sany - 1,287. 29 maýsymdaǵy jaǵdaı boıynsha zerttelgen synamalardaǵy úndi shtammynyń úles salmaǵy 78,3%.
Sondyqtan Almatydaǵy KVI-diń taralýyn boldyrmaý jónindegi shtab qala turǵyndary men qonaqtaryn maska rejımi men áleýmettik araqashyqtyqty qatań saqtaýǵa, adamdar kóp shoǵyrlanatyn oryndardan aýlaq bolýǵa shaqyrady. Sonymen qatar árkim ózi men jaqyndarynyń densaýlyǵyn saqtaý úshin vaksına alǵandary jón.