Qazaqstan Respýblıkasy Qarýly Kúshteri Qurlyq áskerleriniń bas qolbasshysy general-maıor Talǵat Qoıbaqov pen Úndistan Qarýly Kúshteri Qurlyq áskerleriniń bas shtabynyń bastyǵy general M. Naravane telefon arqyly sóılesti, dep habarlaıdy Egemen.kz.
Áńgime barysynda pandemııamen kúresýdegi úılestirý is-qımyly men vırýstyń taralýyna qarsy kómek kórsetý máseleleri talqylandy.
Úndi tarapy qazaqstandyq áskerı qyzmetshilerdi «AITEK» baǵdarlamasy boıynsha daıarlaý jalǵasatynyn málimdedi. Odan ózge, general M. Naravane áskerı bilim aıasynda tájirıbe almasý úshin joǵary áskerı oqý oryndaryna eki elden ofıserler men kýrsanttardy jiberý arqyly yntymaqtastyqty nyǵaıtýdy usyndy.
General M. Naravane general-maıor Talǵat Qoıbaqovty Úndistannyń qorǵanys-óndiristik kesheniniń múmkindikterimen jeke tanysýǵa shaqyrdy.
Sóz arasynda «QazÚnd-2021» birlesken taktıkalyq oqý-jattyǵýyn ótkizýdi jalpy uıymdastyrý máseleleri talqylandy.