Tanys ólkedegi tamasha músinder

Áıgili sheberdiń qoltań­ba­synan shyqqan músindik kompozısııalarsyz janymyzǵa jaqyn qalalardyń ásem áspetin eles­tetý múmkin emes. Ol jasaǵan týyndylar Almaty men Nur-Sultan shaharynyń, Bal­qash pen Talǵardyń, Úsharal men Arqalyqtyń, Jarkent pen Esiktiń eń kórneki jerlerinde sán túzegen. Kósheler men alań­dar, saıabaqtar men alleıalar, jaıaý júrginshiler men serýendeý aımaqtaryn bezendirgende sheber qalalyq keńistiktiń sánin keltirip, óziniń batyl ıdeıalaryn júzege asyra biledi. Eń bastysy, árbir týyndysy sol aımaqtyń ereksheligine saı bederlengen.

«Ár aımaqtan, ár qaladan sha­byt alamyn. Sol mekenge tán dástúrlerdi dáripteı otyryp, tú­sinikti, tabıǵı jáne tolyqtaı zamanaýı beıneler jasaýǵa kúsh jigerimdi jumsaımyn. Shy­ǵarmashylyq nysanama aınal­­ǵan jandy da jansyz obrazdar­dy tas­tan, metaldan, aǵashtan nemese ártúrli materıaldardyń jıyn­tyǵynan jasaımyn»,– deı­di Pavel Shorohov.

Músinshiniń qyzyǵýshylyq salasy da alýan túrli. Shorohov shyǵarmalarynda ejelgi Ikar, qazaq dalasynyń dańqty batyrlary, bı men mýzykanyń sıntezi, áıelderdiń kerbezdigi, ana men bala taqyryptary­nyń shoqtyǵy bıik. Ásirese anı­ma­lıstik janr onyń janyna baryn­sha jaqyn. Faýna áleminiń baılyǵy men alýan túr­liligin beıneleıtin mú­sin­­der sany boıynsha keıip­keri­miz­ge teń keler músinshi az.

– Pavel Shorohov aǵash, metall nemese tas bolsyn, kez-kel­gen materıaldy baǵyndyra biledi. Eń erterektegi músindik kompozısııalaryna – «Balalyq shaq», «Tazsha bala», «Qoqıqaz» jáne «Oınap júrgen balalar» sekildi shyǵarmalary jatady. «Sharyqtaý kezinde», «Ata-ana qamqorlyǵy», «Balalar shyǵar­mashylyǵy», «Sherý» kompozısııalary, «Kásipker», «Quıýshy», «Poshtashy» jáne «Ulý» týyn­dylary, «Jabaıy mysyq», «Búrkitshi», «Qanatty barys» sekildi eńbekteri jurtshylyqqa jaqsy tanys. Olar Almaty men Nur-Sultandaǵy óner oshaqta­ry men demalys saıabaqtaryna kórik berip tur. Sheberdiń shy­ǵarmashylyq aýqymy aıtar­lyq­taı keń. Stanoktik músinder men bederli portretter, memo­rıaldy taqtalar, qabir ústinde­gi eskertkishter sheberdiń uzaq jyldardan bergi tabandy eńbegi. Ol elge belgili tulǵalar Isa Baı­zaqov, Baýyrjan Momyshuly, Dinmuhammed Qonaev, Taras Shevchenko, Qanysh Sátpaev, Muh­tar Áýezov, Jambyl, Abaı, Pýsh­kınderdiń músinin keıip­tedi. Qazirgi tańda músinshi Alma­tydaǵy temirjol vokzaly men Nur-Sultan qalasyndaǵy balet teatrynyń ortalyq qasbe­tin be­zendirýdi jalǵastyrýda. Úne­mi izdeniste júretin óner ıesi­niń shyǵarmashylyǵyna ar­nal­ǵan kórme tyń týyndylarmen tolyqqan, – deıdi kórme jetek­shisi Oksana Tanskaıa.

Kórmeni arnaıy baryp ta­mashalaýdyń sáti tústi. Pavel Sho­rohov qorshaǵan álem­ge tań­danyp, ondaǵy eń áde­mi qu­by­lystardy kóńiline qon­dy­ryp, olar­dy metalda, tas­ta, aǵash­ta keıipteý arqyly ýaqytty toq­tatyp qoıady. Bul músin­dik pi­shinderdiń árqaısysy – eń ki­­shisinen irisine deıin úzdik kórkemdik dástúrler men shynaıy sheberliktiń jemisi.

ALMATY