Elordada órt jıilep ketti. Ústimizdegi jyldyń tek sońǵy úsh aıynda ǵana 222 órt tirkeldi, onda 11 adam qaıtys boldy. Shyǵyn 9418 myń teńgeni quraıdy. О́tken jyldyń osy kezeńimen salystyrǵanda, órt 51 paıyzǵa, adam ólimi 5 paıyzǵa óskeni baıqalady. Osyǵan baılanysty aıtarymyz, bizdi bárinen buryn tilsiz jaý jalmaǵan adam sanynyń kóptigi alańdatady. Jyldyń basynda elordanyń Promyshlennyı aımaǵynda 1952 j. týǵan azamatsha T. Embergenova jáne 1953 j. týǵan azamatsha Sh.Joldasbaeva órtten opat boldy. 25 aqpanda Aqan seri kóshesi boıynda ornalasqan turǵyn úıde órt shyǵyp, nátıjesinde 5 adam – 1975 j. týǵan azamatsha I. Shaıdýlına jáne onyń tórt balasy qaıtys boldy. 27 naýryzda osyndaı turǵyn úıde bolǵan órtten 1968 j. týǵan azamatsha G. Chaıkına jáne 1999 j. týǵan azamat B. Qaıkenov kóz jumdy.
Osyndaı jáne basqa da kóptegen órtterdiń shyǵý sebebi peshti paıdalaný kezinde jalpy órt qaýipsizdiginiń saqtalmaýy, elektr júıeleri, elektr qondyrǵylaryn jóndeý jáne tehnıkalyq paıdalaný erejeleriniń buzylýy, sondaı-aq olardyń ábden tozýy bolyp tabylady. Mine, sondyqtan da órttiń basty bóligi azamattardyń qarapaıym órt qaýipsizdigi erejelerin bilmeýi men ony elemeýshilik sebebine baılanysty turǵyn úı sektorlarynda jıi oryn alady.
Serik BEISEMBEKOV, Almaty aýdanynyń TJB aǵa ınjeneri.