Qazaqstan halqy arasynda toq ishek obyrynyń keń taralýyna baılanysty, 50-60 jas aralyǵyndaǵy qazaqstandyqtar medısınalyq tekseristerden tegin óte alady, dep habarlaıdy Egemen.kz.
Medısınalyq tekseristen memlekettik oblystyq aýrýhanalar men onkologııalyq dıspanserlerde ótýge bolady.
О́tken jyly 3 117 qazaqstandyq toq ishek obyryna dýshar bolyp, osy indetten 1 504 naýqas kóz jumǵan. Basqa aýrýlar ishinde toq ishek obyry taralýy boıynsha Qazaqstanda úshinshi orynda tur.
Osy oraıda, «Ulttyq ǵylymı onkologııalyq ortalyǵy» ıntervensııalyq radıologııa men eksperttik endoskopııa ortalyǵynyń jetekshisi Qanat Batyrbekov 50 jastan asqan azamattardy tezirek skrınıngten ótýge shaqyrdy.
Skrınıng 4 kezeńnen turady:
Immýndyq hımııalyq analız – iFOBT ótkiziledi, gemokýlt test tapsyrylady; iFOBT analız oń nátıje berse, naýqas endoskopııalyq tekserýge jiberiledi. Endoskopııalyq tekserýdiń aldynda toq ishek arnaıy daıyndyqtan ótkiziledi. Bul úshin mamanda joǵary sapaly vıdeoendoskop pen nátıje saqtalatyn foto-vıdeo muraǵattyń bolýy shart; Toq ishektiń daıyndyǵy Boston shkalasy arqyly anyqtalady. Eger daıyndyq 6 upaıdan tómen baǵalansa, naýqas endoskopııalyq tekserýge qaıta daıyndalady. Al 6-dan joǵary upaı berilip, tekseris oń nátıje kórsetse, naýqasty onkologqa baǵyttaıdy; Onkolog naýqasty endoskopııa nemese hırýrgııa jolymen emdeıtinin anyqtaıdy.«Kolorektaldy skrınıng Qazaqstanda 2011 jyly engizildi. Ol – elde ótkiziletin 6 keń taralǵan skrınıngtiń biri. О́kinishke oraı, toq ishek obyryna shaldyqqan naýqastarda bastapqyda eshqandaı belgi bolmaýy múmkin. Sondyqtan olar óziniń aýrýǵa shaldyqqanyn sezbeıdi. Bul indetke kóbinese 50-70 jas aralyǵyndaǵy azamattar shaldyǵyp jatyr», dep túsindirdi «Qazaq endoskopııa qoǵamy» BQ tóraǵasy Qanat Batyrbekov.
Qanat Batyrbekov bul indetti týdyratyn eki zııandy ádettiń áser etetinin de aıtty. Olar – ishimdik ishý men shylym shegý. Sondaı-aq, buǵan kanserogen de eleýli áser etýi múmkin.