Shapqan attaı shapshań ýaqyttyń kóshi taǵy bir jyldy artqa tastady. Ár jyldyń ózindik órnegi bar. О́tken jyly damýdyń dańǵyl jolyna túsken elimizde irgeli ister atqaryldy. Serpindi is-qımylǵa bizdiń aksıonerlik qoǵam da eleýli úles qosty. Kásiporyn 210,0 shaqyrym magıstraldy jáne bólý jylý qubyrlaryn, 23 bý qazandyǵyn, 6 nasos stansasyn paıdalanady. Qazir bizdiń qyzmetimizdiń ıgiligin 76 myń tutynýshy kórip otyr. Onyń 74 myńy jeke tulǵalar, qalǵany zańdy tulǵalar bolyp tabylady.
Shapqan attaı shapshań ýaqyttyń kóshi taǵy bir jyldy artqa tastady. Ár jyldyń ózindik órnegi bar. О́tken jyly damýdyń dańǵyl jolyna túsken elimizde irgeli ister atqaryldy. Serpindi is-qımylǵa bizdiń aksıonerlik qoǵam da eleýli úles qosty. Kásiporyn 210,0 shaqyrym magıstraldy jáne bólý jylý qubyrlaryn, 23 bý qazandyǵyn, 6 nasos stansasyn paıdalanady. Qazir bizdiń qyzmetimizdiń ıgiligin 76 myń tutynýshy kórip otyr. Onyń 74 myńy jeke tulǵalar, qalǵany zańdy tulǵalar bolyp tabylady.
Qalalyqtardy qysta jylýmen jáne ystyq sýmen qamtamasyz etýde kidiris bolmas úshin ústimizdegi jyly 8,96 shaqyrym jylý jelileri jańartyldy, oǵan 1250,0 myń teńgeden astam qarjy jumsaldy. Onyń 6,27 shaqyrymy bıýdjettik qarjy esebinen, 2,44 shaqyrymy tarıfte qaralǵan qarjy esebinen qaıta jaraqtandyryldy. Investısııalyq baǵdarlamaǵa sáıkes 0,25 shaqyrym jylý qubyry qaıta jaraqtandyryldy jáne jańartyldy. Budan basqa 201,0 shaqyrym jylý jelisine aǵymdaǵy jóndeý jumystary júrgizildi. Alty nasos stansasy jáne 23 bý qazandyǵy jóndeldi. Qalanyń jylý júıesine qarjy sala otyryp, bizdiń kásiporyn shahardyń jylýmen qamtamasyz etý júıesin damytýdyń, qaıta jaraqtandyrý jáne jańartýdyń 2010-2014 jyldarǵa arnalǵan ınvestısııalyq baǵdarlamasyn jasaǵan-dy. Bul baǵdarlama boıynsha da birqatar sharýalar tyndyryldy. Bir sózben aıtqanda, qalalyqtardyń qaharly qystan tońbaýyna, ystyq sýdan kidiris bolmaýyna, tutynýshylardyń kóńiline kirbiń túspeýine alǵyshart jasaldy. Burynnan qalyptasqan dástúr boıynsha apattyq jaǵdaıdy kemitýge baǵyt ustalýda. Shyny kerek, sońǵy bes-alty jyl boıy basqa óńirlerdegideı kúrdeli jaǵdaı týyndaǵan joq. Jańa jylǵa deıin kásiporyn qalypty rejimde jumys istep keldi. Bul úrdis Jańa jylda da jalǵasyn tabatynyna bek senimdimin. Qanshama qapysyz qamdandyq desek te, ishteı jyldyń jaıly bolǵanyn qalaıtynymyz shyndyq.
Aldaǵy jyldan ne kútesiz degende, tarıfte qaralǵan 177,7 mln. teńge qarjyǵa 2,5 shaqyrymǵa kúrdeli jóndeýdi sapaly júrgizsek degen oı bar. Jalpy, qaıyptan taıyp, bizge baılanysty emes jaǵdaılar týyndamasa, jylý men ystyq sý baǵasyn burynǵy deńgeıde ustaýdy qarastyrýdamyz. Sondaı-aq, Jańa jylda bizdiń qyzmetterimiz úshin qaryzdar tutynýshylar bereshegin óteı bastasa quba-qup bolar edi. Bul óz jumysymyzǵa qatysty úmitter.
О́tken jyly jeke basymda da qýanyshtar boldy. Maǵan «Aqtóbe qalasynyń qurmetti azamaty» ataǵyn berdi. Bul qurmet meni kásiporyn jumysyn burynǵydan da jaqsarta túsýge jigerlendiredi. Bizdiń jumysymyzdyń basty baǵdary – tutynýshylarymyzdyń kóńilinen shyǵý bolmaq. Ázirge qalalyqtar tarapynan jylý men ystyq sýǵa qatysty aryz- shaǵym túse qoıǵan joq. Bul bizdi burynǵydan góri jınaqy jumys isteýge, qol jetken bıikten alasarmaýǵa mindetteıdi. Oblystyq máslıhattyń depýtaty retinde óńir dıqandarynyń sońǵy jyldardaǵy qýańshylyqtyń saldarynan kúrdeli jaǵdaıǵa qalyp júrgeninen habardarmyn. Sondyqtan qysta qar qalyń túsip, jazda jaýyn-shashynnyń mol bolǵanyn qalaımyn. Bul dıqan qaýymynyń bitik egin ósirýine negiz qalar edi.
Al, jalpy elimiz boıynsha alǵan baǵytymyzdy ilgeri aparýdyń sátti qadamdary jalǵasyn tabýyna tilektespin. Tatýlyq pen turaqtylyqtyń altyn arqaýy ultaralyq dostyqtyń tini burynǵydan bekı bersin. Elbasy alǵa qoıǵan asqaraly mindetterdi júzege asyrýǵa barsha qazaqstandyqtar bir kisideı qulshynys tanytsa degim keledi. Ulttyq salt-dástúrimizdi ustanýdy, qazaq tiliniń qoldanys aıasyn keńeıtýdi basty baǵdar etip alatyn kez de jetti. Jahandanýǵa jutylmaýdyń basty qadamy jastardy otanshyldyqqa, elin súıýge, tárbıeleýge árqaısymyz atsalysýymyz kerek degen oı qaperge alynsa degen de tilek bar. Tabaldyryqtan attaǵan jańa 2014 jyldan dastarqanymyzǵa molshylyq, shańyraǵymyzǵa shattyq ákeletindeı baǵaly bastamalar, elimizdiń álem aldyndaǵy bedelin bıiktetetin qadamdarymyzǵa sáttilik tileımin. Merekeli de berekeli jyl bolsyn. Jańa jyl barsha qazaqstandyqtarǵa baqyt ákelsin, tabysymyz molaıyp, turmysymyz jaqsarǵan ústine jaqsara bersin degim keledi sózimniń sońynda.
Májıt BEKMEEV,
«Transenergo» AQ dırektory,
oblystyq máslıhattyń depýtaty.
Aqtóbe oblysy.