Soltústik Qazaqstan oblysy «jasyl» aımaq pen «sary» aımaqtyń shekaralyq sheginde tur. Bul áli «sary» aımaqqa enbegenmen «jasyldyń» shegine jetti degen sóz, dep habarlaıdy Egemen.kz.
Osy kúnge deıin jaman indet shyqqan adamdar sany táýligine 10 adamnyń sheginde bolsa sońǵy kúni 27-ge jetti. Onyń 19-da aýrý belgileri bolyp, 8-de belgileri bolmaǵan. Búgin aımaqtyq kommýnıkasııalar qyzetinde bolǵan brıfıngte bul týraly SQO sanıtarlyq-epıdemıologııalyq baqylaý departamentiniń basshysy Áset Jumataev pen oblystyq densaýlyq saqtaý basqarmasy bastyǵynyń mindetin atqarýshy Nurlan Aımanov málim etti.
Indet juqtyrǵan 27 adamnyń 11 Petropavl qalasynan, Qyzyljar men Aıyrtaý aýdandarynan tórt-tórtten, qalǵandary Taıynsha, Ǵ.Músirepov, Ýálıhanov jáne Esil aýdandarynan shyqqan. Osyndaı jaǵdaıdan keıin óńirdegi epıdemıologııalyq ahýal turaqsyz dep baǵalanyp otyr.
Indet taralymynyń ósýi respýblıka aýmaǵyndaǵy «delta» shtammnyń aınalymymen, sondaı-aq halyqtyń karantındik sharalardy saqtaý jónindegi tártibiniń tómendeýimen baılanysty bolyp otyr. KVI naýqastarynan alynǵan oń zerthanalyq úlgilerdiń PTR skrınınginiń nátıjeleri boıynsha 4 úlgidegi "Delta" shtammyna ("Úndi" shtammyna) tán mýtasııa yqtımaldyǵy anyqtaldy.
Búgingi jaman indettiń erekshelikteri qatarynda klınıkalyq sımptomatıkanyń erte manıfestasııasyn, ınkýbasııalyq kezeńniń - 5 kúnge deıin qysqartylýyn aıtýǵa bolady. Sonymen qatar qazir ókpeden tys túrleriniń jıileýi jáne keıbir jaǵdaılarda ishek sımptomdary basym bolyp keledi. О́kpeniń zaqymdaný aımaǵynyń ulǵaıýymen aýrýdyń tez damýy jáne jas adamdardyń úles salmaǵynyń artýy da kózge túsedi. Sondaı-aq balalar men júkti áıelderdiń syrqattanýy, júrek-tamyr júıesiniń asqynýlary jıi kezdesedi.
Qalyptasqan ahýalǵa oraı 5 shildeden bastap mynadaı shekteýler engiziledi:
1) jabyq úı-jaılardaǵy bılıard, boýlıng, balalardyń oıyn alańdary men attraksıondarynyń, batýttardyń, banket zaldarynyń, kompıýterlik klýbtardyń, akvaparktiń qyzmeti toqtatyla turady;
2) eske alýdy ótkizýge tyıym salynady;
3) dinı nysandarda, jabyq úı-jaılarda ujymdyq is-sharalar ótkizýge tyıym salynady. Meshitter, pravoslav shirkeýleri jáne basqa dinı obektiler aýmaǵynda ashyq aýada betperde rejimin jáne bir adamǵa keminde 4 metr esebinen áleýmettik qashyqtyqty saqtap otyrý;
4) 30 adamnan aspaıtyn jeke, toptyq daıyndyqtar úshin mádenıet obektileriniń qyzmeti shekteledi;
5) mektepke deıingi balalar uıymdarynda tek kezekshi toptardyń (25 adamnan aspaıtyn) jumysyna, balalardyń túzetý kabınetteriniń, balalardyń jáne eresekterdiń bilim berý ortalyqtarynyń jumysyna aldyn ala jazylý boıynsha topty toltyrý kezinde 15 adamnan aspaıtyn ruqsat etiledi; jáne t.b.
Qazir oblysta 129212 adam vaksınanyń birinshi komponentimen egildi, bul barlyq halyqtyń qamtý 41.5%, al ekinshi komponentpen sonyń 72 613 egilgen. Vaksınasııa saldyrǵandardyń arasynda medısına qyzmetkerleri 99,9%, pedagogtar 69%, polıseıler 97,3%, memlekettik qyzmetkerler 70%, ónerkásip kásiporyndarynyń qyzmetkerleri, onyń ishinde vahtalyq ádispen jumys isteıtinder 99,9%, stýdentter 73% bolyp otyr.
Soltústik Qazaqstan oblysy