Aqmola oblysynyń Jibek joly aýylynda órtengen sısterna jalyny tolyǵymen sóndirildi, dep habarlaıdy Egemen.kz Nur-Sultan qalasynyń Tótenshe jaǵdaılar departamentiniń baspasóz qyzmetine silteme jasap.
О́rtti sóndirýge Nur-Sultan qalasy men Aqmola oblysynyń órt sóndirýshileri qatysqan. Oqıǵa ornynda jeke quramnan 17 adam, 3 qondyrǵy jumys istedi, onyń ekeýi - Nur-Sultan qalasynan jáne 1 - Arshaly kentinen.
«Joldy polısııa qyzmetkerleri jaýyp tastap, órt saǵat 19.21-de oqshaýlanyp, saǵat 19.41-de tolyq sóndirildi. Zardap shekkender joq. О́rttiń shyǵý sebebi anyqtalyp jatyr», delingen habarlamada.